البنك الاهلى المصرى - برسونال 2024

السلام عليكم و رحمه الله و بركاته



لو جالك الرساله دى






ف أنت انشاء الله رايح انترفيو برسونال - هتروح فرع الكورنيش الدول ال 22

هتكتب اسمك و هتنتظر , اثناء انتظارك هيجبولك ورقه تكتب فيها خبراتك و الرغبات و الاقسام




نصائح بقى للمرحله دى :

1 - لو اشتغلت فتره صغيره من شهرين ل 3 شهور بلاش تكتبها
2- حاول تكتب فى الخبرات اى شىء حتى لو حاجه تطوعيه انت عملتها فى الجامعه او برا الجامعه

فى الرغبات بقى :

خلى التيلر ( Teller ) اخر رغبه ممكن تكتبها لانه بيبقى بعيد عن الترقيات شويه غير خدمه العملاء و الائتمان

ممكن فى البدايه تكتب Customer Service و خدمه العملاء

الثانى نخليه Credit Analysis و دا كويس جدا و يعتبر اعلى قسم فى البنك لانه بيمنح القروض

و الثالث ممكن تخليه تيلر

طيب و بعدين ...

هتسمع اسمك بيتنده .. عشان تدخل تعمل الانترفيو

خليك واثق فى نفسك .. الارزاق بتاعت ربنا و انت سعيت و عملت الى عليك ..الموضوع تافه

دردشه عامه

الاول قدم نفسك .... نصيحه منى عشان تحسن لغتك حاول تتكلم شويه مع ناس مش هتلاقى احسن من الموقع دا https://www.free4talk.com/

هتدخل تتكلم مع الناس و تكسر اى خوف عندك و هيسعدك كثير

المقابله مش كلها هتكون انجلش

اول سؤالين و بعد كدا عربى عادى

هيسألك بتعمل ايه بعد التخرج مثلا .. هتقوله بدور على شغل او لو كنت اشتغلت هتقول اشتغلت فين و كان عباره عن ايه

موقف صعب بقى اتعرضلته ؟

هتحكى عن موقف صعب بجد اتعرضتله مش اى كلام , حاجه صعبه اتعرضتلها فى حياتك

حابب تشتغل فى مجال البنوك ليه ؟

لانها اكثر استقرارا بشكل عام و بيئه عمل افضل من شركات كثير

تقدر كمان تشوف تفاصيل اكثر من الفيديو دا



الجزء الثانى 




يارب قدرت افيدكم

اى استفسار ياريت تسيبوا تعليق 
تعليقات
ليست هناك تعليقات
إرسال تعليق