التقديم على البنك الاهلى المصرى 2022 ( الانجلش و ال IQ )

السلام عليكم و رحمه الله

يارب تكونوا بخير ... هنتكلم انهردا على التقديم على البنك الاهلى بكل خطواته بدايه من رساله الانجلش و ال IQ بالشكل دا

 امتحان الإنجلش

الزمن 45 دقيقه وعدد الاسئله غير معروف انت وحظك.. اول جزء في الإنجلش هو ال listening وده عباره عن 5 أو 6 ريكوردات اول 3 صغيرين جدا الواحد لا يتعدى 30 ثانيه وعليه سؤال واحد بس وآخر اتنين طوال شويه يعني في حدود دقيقه أو أكتر شويه وكل ريكورد عليه من 4 ل 5 اسأله... الريكورد واضح جدا والكلام مفسر على الأخر وهتفهموا كل كلمه بإذن الله تعالى.. مسموح لحضرتك انك تعيد الريكورد مرتين لكن فضلا خلي بالك من الوقت يعني اقرأ السؤال الأول قبل ما تسمع الريكورد ده هيوفر عليك جامد.. تاني جزء ده عبارة عن 4 أو 5 قطع reading كل قطعه منهم ناقصه 5 كلمات ومطلوب منك تكمل الفراغات دي اول 3 قطع بيديك اختيارات من تحت والقطعتين التانيين هتكملهم من عندك.. ما تخافش لو ركزت هتلاقي الكلام واضح جدا بس محتاج حضرتك تكون حافظ شويه كلمات بسيطه تساعدك في الحل وده يعتمد على مدى الحصيلة اللغوية إللي عندك... الجزء اللي بعد كده عباره عن قطعه طويله شويتين وعليها 5 أو 6 اسأله تحت كل سؤال سهم بتدوس عليه عشان تختار الحل...المهم ده كل الاسئله اللي بتيجي في الإنجلش... طيب السؤال الأهم اذاكر واستعد للامتحان منين؟بسيطه جدا ده لينك موقع كامبريدج الامتحان من الموقع ده بالنص عشان كده جبتلكم الموقع اهو ادخلوا ادربوا عليه بس البسوا ال headphone عشان ال listening وربنا يكرمكم يارب كلكم وتعدوا

اللينك دا مهم جدا للاستماع و ال verbal 

هنا

كل حاجه متعلقه بالانجلش هتلاقوها فى الملفين دول .. حمل الاول من هنا و الملف التانى من هنا 

و ماتريال 2020 بالتحديث من هنا 

I

أما بالنسبة لل IQ ف الموضوع أبسط مما تتخيلوا والله.. الأمتحان مدته 40 دقيقه وعبارة عن 3 أجزاء اول جزء أشكال هندسية بيكون في حدود 6 أو 7 أشكال ساهلين جدا وده فيديو في أوله هتلاقوا شويه أشكال دوول بالنص اللي في الامتحان بالترتيب كمان..

♣️ كل حاجة متعلقة بالاى كيو النظام الجديد ♦️

هتلاقوها فى الرابط من هنا  و الملف دا  هنا 

الجزء التاني بقى وده ال Numerical reasoning وده اسأله كده زي الإحصاء شغل حسابات أرباح وخسائر ونسب بس صعوبتها انك هتحسب من غير اله يعني بس مطلوب منك تعود نفسك على الحسابات دي مش اكتر وبرضه الفيديو اللي فوق هتلاقوا فيه اسأله ال numerical reasoning محلوله والجزء ده برضه بيكون في حدود 4 أو 5 أشكال كل شكل عليه سؤال واحد بس

الجزء الاخير ده ال Verbal بس ما تتخضوش اوي كده ده اسهل جزء فيهم اصلا.. بيديك شويه قطع وكل قطعه عليه سؤال أو 2 على حسب التوزيع والسؤال الاجابه بتاعته بتكون true, false or cannot tell وده من خلال فهمك للقطعه وبرضه الفيديو اللي فوق فيه اسأله على ال verbal تقدروا تتدربوا عليها.. بس كده ده ال iq لو ربنا كرمكم وعديتوا من كل ده هتملوا ابليكشن بسيط كده وتدخلوا بيرسونال أنترفيو وده دردشه بسيطه اول سؤالين انجلش والباقي عربي.

لو اى حد عنده مشكله او بتواجه حاجه ياريت يتواصل معايا او يسيب تعليق و هرد عليه انشاء الله